Хүмүүн бидний энгийн харилцаа

Хүйтэн төмөртэй холбогдох болж

Хүссэн хүсээгүй барьсан зүйлс

Хүхэр хүдэр агуулах болж

            Баян хоосны ялгаа

            Базаахгүй төмрөөр хэмжээтэй

            Боссон суусан газарт ч

            Бас л төмөр хайраастай

Эрдэмтэн шинжээч бүхэн

Энэ л төмрийг судлаатай

Энгүй хурдан хүлэг бүтээж

Эндээс одоцгоох зүүдтэй

            Болд хүдрийн араас

            Босон харайн тэмцэлдэнэ

            Дугуйтай дугуугүй тэвш хийж

            Дундхан мэдлэгтний харааг таглана

Төмрийн шидийг гаргах гэж

Түм бумаараа хөлс шавхана

Төрх үхэхийг үл анзааран

Техник технологи анхаараастай

            Илд бамбай харших мэт

            Эв хавгүй үгээр

            Эгэл дотно төрөгсдөө ч

            Эмзэглүүлж  зэвтүүлэх нь сонстоно

Эв эеийг төмрөөр биш

Энэрэл хайраар холбомоор

Энх мэндийн амьдрал нь

Эгэл сэтгэлтэй хамаатмаар

            Энгийн ардын минь зүрхэнд  зэв сэв бүү суугаасай

            Эрэл сурал оюунаа үнэн мэдлэгт хандуулаасай

            Элэг зүрхний хэлбэлзлээ эгшиг яруу болгоосой

            Ихэс дээдсийн сургаалаа  эрхэмлэн дээдлэн  хүртээсэй

2009 12 31.       Солонгос улс  Сөүл хот.     Сумъяжавын  Мөнхсайхан.