spacer.png, 0 kB
 
Сүүлийн Үеийн Мэдээ
 

Өөрөө мэд Print E-mail
User Rating: / 1
PoorBest 
Мягмар, 15 Хулгана сарын 2013

Тойруу замаар олон хоног

Туйлж явна уу өөрөө мэд

Уулын жимээр цөөхөн хоног

Уйлж давна уу өөрөө мэд

 Харанхуй ойгоор олон хоног

Галгиулж явна уу өөрөө мэд

Хадтай уулаар цөөхөн хоног

Халгаж туулна уу өөрөө мэд

Хөлгүй далайгаар олон хоног

Хөвж явна уу өөрөө мэд

Хөлөг онгоцоор цөөхөн хоног

Сэлж гарна уу өөрөө мэд

Цэцэгт талаар олон хоног

Цэнгэж явна уу өөрөө мэд

Бэрх жимээр цөөхөн хоног

Бэргэж явна уу өөрөө мэд

Тайгын нуруугаар олон хоног

Тааваараа явна уу өөрөө мэд

Шивээ жимээр цөөхөн хоног

Ширвээтэж туулна уу өөрөө мэд

Тойруу хол зам чинь

Тоймгүй зугаа олонтой

Хавханд хөлөө гишгэвэл

Гарах арга муутай

Урт холын зам чинь

Ужиг цэнгэл олонтой

Урхинд хөлөө гишгэвэл

Мултрах арга муутай

Уулын өндөр жим чинь

Уршигт зовлон олонтой ч

Зорьсон бүхнээ бодохоор

Зогсох газар багатай

Хадтай өндөр жим чинь

Харшлах зовлон олонтой ч

Өмнөх зорилгоо бодохоор

Үдлэх газар багатай

 

2013-01-13

 

Балабхадра дас

 
< Prev   Next >
spacer.png, 0 kB
spacer.png, 0 kB