spacer.png, 0 kB
 
Сүүлийн Үеийн Мэдээ
 

Хаста одны үг Print E-mail
User Rating: / 3
PoorBest 
Лхагва, 16 Хулгана сарын 2013

Өнө эртийн шүтээнээ өршөөлгүй булсан

Өмнийн нүглээ хэрхэн цагаатгах билээ хэмээн

Хамаг амьтны явдлыг хурц мэлмийдээ толилсон

Хаста мэргэн одноос залбирал үйлдэн асуулаа

Од өгүүлрүүн:

Наран ганжиртай ариун сүмийн дотор

Наян тохой Жанрайсэг амирлангуй заларч

Ном, бурханаа шүтсэн бум олон хуврага

Найман дацанд хурж байсан нь саяхаан

Цамын бүжгийн цацал түргэн хөдөлгөөн

Цахиурын оч шиг цахилан цахилан өнгөрч

Цахир бишгүүр, бүрээний хүнгэнэх дуун

Цагийн чанадаас бүдэгхэн сонсдох нь юу вэ?

Он оны тортог тоосонд дарагдаж

Орвонгоороо устсан дуган хийдээ үгүйлнэ үү ?

Орхимжтой чигээрээ орчлонгийн нарнаас алдарч

Оргүй хоосонд шингэсэн хувилгаан хутагтаа үгүйлнэ үү?

Богдын хүрээ одсон мянган бээрийн харгуй

Босоогоороо бус, сунаж, мөргөн туулж

Овоо тахилгат нутгаа алд биеэрээ төөлсөн

Олон олон сүсэгтний бодь сэтгэлийг үгүйлнэ үү?

Сонсохын төдий харахын сэтгэл үүдэх найрагт эгшиг

Харахын төдий бишрэхийн сэтгэл үүдэх наран сүм

Нурман дундаа заларсан их бурхдын дүр

Нулимс шиг цуварсан он жилийг нэхэн дуудна

Ариун тансаг цаглашгүй бурханы номыг

Алгаан сайтар хамтатган цээжиндээ тунгаа!

Бууршгүй үнэн гэдэг он жилийг гэтэлгэгч

Бурханаас бүгдэд заяасан бугд ч хэрэгтэй эрдэнэ юм шүү.

 

2012-11-12 Улиастай хот

Боржигон овогт Хашийн Амарбаян
 
< Prev   Next >
spacer.png, 0 kB
spacer.png, 0 kB