Яаж “зүгээр л уншаад сонсох вэ?”

Шрила Прабхупада “Мантраг магтан дуулахад юу нь хэцүү байх билээ? Зүгээр л уншаад, сонсох хэрэгтэй” хэмээн айлдсан байдаг.  Энэ  ийм амархан байхад хүмүүсээс тийм их хүчин чармайлт шаардана гэж үү? Цэвэр чин бишрэлтэнд мантра магтан дуулахад, сонсох нь мэдээж хэрэг маш амархан.

Тийм ч учраас Жапаг сүнслэг амьдралын барометр гэлцдэг. Энэ юу гэсэн үг вэ? Зүрх сэтгэлдээ бид хэр ариуссанаас хамааран тэр хэмжээний аз жаргал, баяр цэнгэл, хүсэл тэмүүлэлтэйгээр Ариун Нэрэнд ойр очдог. Тодорхой хэмжээний ариусалд хүрээгүй нэгэнд мантраг магтан дуулах нь маш хэцүү даалгавар болж, томоохон сорилт болдог байна.

Ариун нэрсийг магтан дуулах, Түүнээс өмгөөлөл эрэх хүсэл дээрээ үндэслэн бид сүнслэг амьдралын хаана байгаагаа ойлгож болно. Тийм ч учраас “зүгээр л уншаад сонс” гэж биднийг хэлэхэд энэ нь тийм ч амар биш, хүнд байдаг. Бид үүнийг амьдрал дээрхи дадал туршлагаасаа мэднэ. Тэгвэл үүнийг хэрхэн сайжруулах вэ?

Бидний систем Ариун Нэрийг яаж нөлөөлдгийг мэдсэний дараа л бид Түүн рүү үнэхээрийн чин сэтгэлээсээ тэмүүлэх урмыг авч болно.

         Рупа Госвами “кинту адарат анудинам” гэж хэлсэн байдаг. Шар өвчтэй хүний хэл нь чихрийн нишингийн шүүсний чихэрлэг амтыг гашуун амттай  гэж мэдэрдэг бөгөөд үүнийг эм байдлаар уусаар байх ёстой гэж тэр хэлдэг.

Үүнд л гол түлхүүр нь байгаа юм. Тэрээр хэлэхдээ бид адарат буюу маш их хүндэтгэлтэйгээр ба анудинам буюу өдөр бүр (Ариун нэр лүү) тэмүүлэх ёстой. Тэгвэл бүх сэжиг, эргэлзээ үндсээрээ үгүй болж, Ариун Нэрэнд дурлан татагдах мөч ирэх болно.